Hemeroteca
-
O Burgo, A Coruña, 19/02/2012
Vive o Entroido con Susana Seivane!
Susana Seivane estará no Burgo, o domingo 19 de febreiro. O concerto será no fermoso Paseo Marítimo desta vila, ás 21:00h da noite. A súa actuación enmárcase dentro do programa de actividades para esa fin de semana de carnaval, organizadas ó redor da I Festa do Cocido do Burgo. Neste pracenteiro entorno, poderedes desfrutar desta festa gastronómica, do desfile de disfraces e pasarrúas, das orquestas, dos concursos e por suposto da nosa gaiteira feiticeira. Que o disfrutedes!
-
Santiago de Compostela, 08/02/2012, ás 18h
Susana Seivane na homenaxe a D. Isaac Díaz Pardo organizada pola Xunta
A Xunta de Galicia homenaxea a figura de D. Isaac Díaz Pardo cun acto oficial na Biblioteca da Cidade da Cultura, o día 8 de febreiro, ás 18h. A gaiteira Susana Seivane tras asistir o pasado mes de xaneiro ós actos oficiais da súa despedida en Santiago e á emotiva homenaxe promovida polo Concello de Sada, rendirá de novo tributo a súa figura. Susana Seivane asistirá a este acto organizado pola Xunta neste emblemático edificio, onde lle adicará unas pezas á memoria do benquerido intelectual galego.
-
TVG, 26/01/2012
Susana Seivane en Tourilandia
Susana Seivane chegará este xoves á República televisiva de Tourilandia. Poderedes ver a súa estancia nesta terra do humor esa noite, a partir das 22h. A gaiteira Susana Seivane sorprenderavos neste novo programa, estreado hai dúas semanas na Televisión de Galicia. Que vos divirtades!
-
Casa da Cultura de Sada, 20 xaneiro, 20h
Susana Seivane rende tributo a D. Isaac Díaz Pardo
Susana Seivane asistirá ao homenaxe que preparou o Concello de Sada ao intelectual e galeguista D. Isaac Díaz Pardo, falecido o pasado día 5 de xaneiro. A gaiteira, tras ter o privilexio de acompañalo coa gaita nos actos oficiais da súa despedida en Santiago, coa súa presencia en Sada, amosa unha vez máis o cariño da familia Seivane á figura deste irrepetible artista galego. O acto será o próximo venres, día 20, no auditorio da Casa da Cultura de Sada.